"ბიუჯეტიდან ავიღე თანხები, წავედი მილანში, იქ ვიღაცები დავპატიჟე ბარში, მერე თმები შევიჭერი" - კახა კალაძემ ლევან ხაბეიშვილის ბრალდებას მსგავსი ხუმრობით უპასუხა. კალაძემ ხაბეიშვილის განცხადებას სასაცილო უწოდა, მოგვიანებით კი ჟურნალისტებთან საუბრისას თბილისის მერიის საზოგადოებასთან ურთიერთობის სამსახურის უფროსმა მანანა თოქმაჯიშვილმა განმარტება გააკეთა მერის ვიზიტის შესახებ. თოქმაჯიშვილის ინფორმაციით, კალაძემ რამდენიმე ქვეყანაში პოტენციურ ინვესტორებთან შეხვედრა გამართა.