დონეცკის ოლქში ორ სამგზავრო ავტობუსზე განხორციელებულ თავდასხმას, უკრაინული მედიის ინფორმაციით, 30-მდე ადამიანი ემსხვერპლა, 18 კი დაშავდა. უსაფრთხოების გაუარესების გამო რეგიონში საზოგადოებრივი ტრანსპორტის მოძრაობა შეჩერდა. პარალელურად, აშშ-ის სახელმწიფო მდივნის, მარკო რუბიოს შეფასებით, რუსეთ-უკრაინის ომში შეთანხმების მიღწევის პერსპექტივა ამ ეტაპზე არ ჩანს. მისი თქმით, კონფლიქტი სტრატეგიულ ჩიხშია შესული და ვითარების კიდევ უფრო გამწვავების საფრთხე არსებობს.