რუსეთის ცენტრალური საარჩევნო კომისიის თავმჯდომარემ განაცხადა, რომ ქვეყანაში საპარლამენტო არჩევნები შეუფერხებლად მიმდინარეობს, მიუხედავად „კიბერშეტევებისა“.
სახელმწიფო სააგენტო „ტასის“ ცნობით, ელა პამფილოვამ აღნიშნა, რომ ელექტრონული კენჭისყრის სისტემაზე განხორციელებული თავდასხმები ძირითადად საზღვარგარეთიდან - მათ შორის უკრაინიდან და დიდი ბრიტანეთიდან - მომდინარეობდა.
პამფილოვას თქმით, წარმატებით აღიკვეთა „საარჩევნო რესურსებზე მიმართული 100 მილიონზე მეტი პოტენციურად მავნე თავდასხმა“.
შეგახსენებთ, რუსეთში სახელმწიფო დუმის არჩევნები მიმდინარეობს. ხმის მიცემის პროცესი სამი დღის განმავლობაში გრძელდებოდა და დღეს დასრულდება.