ირანში აშშ-ის ბოლო დარტყმებს, ირანული სახელმწიფო მედიის ცნობით, სულ მცირე შვიდი ადამიანი ემსხვერპლა, ცხრა კი დაშავდა. გავრცელებული ინფორმაციით, ჰორმოზგანის პროვინციაში რამდენიმე ხიდი დაზიანდა, რომლებიც ჰორმუზის სრუტის სანაპიროზე მდებარე ბანდარ-აბასს უკავშირდებოდა, სადაც ირანის ისლამური რევოლუციის გუშაგთა კორპუსის საზღვაო ბაზაა განთავსებული. ირანის ენერგეტიკის სამინისტრომ ასევე განაცხადა, რომ ბანდარ-აბასსა და მიმდებარე სოფლებში ელექტროგადამცემი ხაზები დაზიანდა, რის გამოც ინფრასტრუქტურის აღდგენის სამუშაოები დაიწყო.