სტრასბურგის სასამართლომ „ფარას“ და „გრანტების შესახებ“ კანონებში შეტანილი ცვლილებების წინააღმდეგ საჩივრების განხილვა დაიწყო. ევროპულმა სასამართლომ იუსტიციის სამინისტროს 15 ოქტომბრამდე მისცა ვადა, რათა საჩივრებსა და დასმულ სამართლებრივ კითხვებზე პოზიცია წარადგინოს. საქმე პარლამენტის მიერ მიღებული საკანონმდებლო ცვლილებების ადამიანის უფლებათა ევროპულ კონვენციასთან შესაბამისობას ეხება. სასამართლო მხარეებისგან კონკრეტულ სამართლებრივ საკითხებზე განმარტებებს ითხოვს. ახლა ყურადღება იმაზეა გამახვილებული, თუ როგორ უპასუხებს იუსტიციის სამინისტრო დასმულ შეკითხვებს და როგორ ითანამშრომლებს განხილვის პროცესში.