რაიმე ხელშესახები ვალდებულებების ან დათმობების, მათ შორის ყველა პოლიტპატიმრის გათავისუფლების გარეშე საქართველოს მთავრობასთან ჩართულობა ვერ გაგრძელდება და არ უნდა გაგრძელდეს. შესაბამისი განცხადება ევროპის საბჭოს საპარლამენტო ასამბლეაზე ბრიტანელმა დეპუტატმა პერან მუნიმ გააკეთა.
მუნის თქმით, დიდი ბრიტანეთის მთავრობამ თავისი როლი უნდა შეასრულოს ბინძური ფული დასანქცირებაში, რომელიც ლონდონში და თავიდან აირიდოს ქართველი ხალხის რეპრესიაში თანამონაწილეობის ბრალდებები.
“მეგობრებო, პირდაპირ უნდა ვილაპარაკოთ საქართველოში არსებულ ვითარებაზე. “ქართული ოცნების” მმართველი პარტია სისტემატურად იარაღად იყენებს სასამართლო სისტემას, რათა მიზანში ამოიღოს და ჩაახშოს ოპოზიციური პარტიები და მშვიდობიანი დემონსტრანტები.
სახელმწიფო ინსტიტუტები, როგორც დამოუკიდებელი და მიუკერძოებელი ორგანოების მოქმედების ნაცვლად გამოიყენებიან განსხვავებული ხმების გასაჩუმებლად, სამოქალაქო აქტივიზმის ჩასახშობად და დამოუკიდებელი მედიის დასასჯელად პოლიტიკურად მოტივირებული დევნით, ცენზურითა და დაპატიმრებით.
ჟურნალისტების, პოლიტიკოსებისა და სამოქალაქო საზოგადოების სია, რომლებიც ახლა დაპატიმრებული არიან, უფრო გრძელი გახდა. მსურს ასამბლეის ყურადღება მივაქციო ოთხ მათგანს. მზია ამაღლობელი - პატივცემული ჟურნალისტი. ორი დემონსტრანტი - საბა ჯიქია და საბა სხვიტარიძე. და, რა თქმა უნდა, ელენე ხოშტარია - ოთხი შვილის დედა, მძიმედ დაავადებული და სამედიცინო ყურადღებას ჩამორთმეული, რომელიც ასე სჭირდება.
ამ სახელების უკან ათობით და ათობით მეტია. და ამ ასამბლეამ უნდა უზრუნველყოს, რომ მათი ხმების გაგონება გაგრძელდეს კონტინენტის მასშტაბით. რეპრესია უნდა გაჩერდეს, ყველა პოლიტპატიმარი უნდა გათავისუფლდეს და თავისუფალი და სამართლიანი არჩევნები უნდა იყოს.
ასეთ გარემოში დიდი ბრიტანეთის მთავრობამ თავისი როლი უნდა შეასრულოს ბინძური ფულის დასანქცირებაში, რომელიც ლონდონში არის, და თავიდან აირიდოს ქართველი ხალხის რეპრესიაში თანამონაწილეობის ბრალდებები.
აბსოლუტურად არსებითი მნიშვნელობისაა, რომ ევროპის საბჭომ ისწავლოს წარსულში თავისი შეცდომებიდან. ანგარიში ამბობს: “დიალოგი უნდა ეფუძნებოდეს საერთო გაგებას, რომ ევროპის საბჭოში წევრობა პრივილეგიაა, რომელსაც უფლებები და ვალდებულებები მოჰყვება. ასე რომ, რაიმე ხელშესახები ვალდებულებების ან დათმობების, მათ შორის ყველა პოლიტპატიმრის გათავისუფლების, გარეშე საქართველოს მთავრობასთან ჩართულობა ვერ გაგრძელდება და არ უნდა გაგრძელდეს.” ეს მნიშვნელოვანი ანგარიშია და კოლეგებს მისი მხარდაჭერისკენ მოვუწოდებ,” - განაცხადა მუნმა.