ევროპის საბჭოს ადამიანის უფლებათა კომისარი, მაიკლ ო’ფლაერტი საქართველოს ხელისუფლებას მოუწოდებს, მომიტინგეების წინააღმდეგ არაპროპორციული ძალის გამოყენების ფაქტებზე პასუხისმგებლობის საკითხში პროგრესი უზრუნველყოს და შეკრების, გაერთიანებისა და გამოხატვის თავისუფლების შემზღუდველ კანონმდებლობას გადახედოს.
კომისრის მიერ გამოქვეყნებულ მემორანდუმში ყურადღება გამახვილებულია სამართალდამცველთა იდენტიფიცირების აუცილებლობაზე. დოკუმენტის მიხედვით, ყველა პოლიციელს საიდენტიფიკაციო ნომერი უნდა ეკეთოს, ხოლო აქციების დროს შესაძლო არასათანადო მოპყრობის შემთხვევებზე გამოძიება უნდა გაფართოვდეს. მმართველ გუნდში აცხადებენ, რომ კრიტიკა სამართლებრივ საფუძველს მოკლებულია და მიღებული კანონები ევროპულ სტანდარტებთან შესაბამისობაშია. ამავე საკითხს ასევე გამოეხმაურნენ ოპოზიციის წარმომადგენლები.