შსს-ს მინისტრის მოადგილე ალექსანდრე დარახველიძე საქართველოში აშშ-ის საელჩოს რეგიონული უსაფრთხოების ოფიცერს, დეივ ჰედლესტონს შეხვდა. საუბარი შეეხო მიმდინარე და სამომავლო თანამშრომლობის მიმართულებებს. დარახველიძემ აღნიშნა, რომ სამინისტრო პარტნიორობის გაღრმავებას მიესალმება და იმედი გამოთქვა, რომ ერთობლივი მუშაობა კიდევ უფრო გააქტიურდება. თავის მხრივ, ამერიკელმა წარმომადგენელმა მადლობა გადაუხადა ქართულ მხარეს მრავალწლიანი თანამშრომლობისთვის და პარტნიორობის გაგრძელების მზადყოფნა დაადასტურა.