სტუდენტებისა და აკადემიური პერსონალის 12 დღიანი პროტეტის შემდეგ საქართველოს მთავრობამ თბილისის სახელმწიფო უნივერსიტეტისა და საქართველოს ტექნიკური უნივერსიტეტის გაერთიანების გადაწყვეტილება შეცვალა - გაერთიანების პროცესი აღარ განხორციელდება, სტუ „წმინდა ტექნიკურ" უნივერსიტეტად გარდაიქმნა. სამართლისა და საერთაშორისო ურთიერთობების, სოციალურ მეცნიერებათა და ბიზნესტექნოლოგიების ფაკულტეტების საგანმანათლებლო პროგრამები მილევად რეჟიმში გადავა, მიუხედავად ამისა, ქართული ოცნება პირობას დებს, რომ ს სტუ-ში აკადემიური პერსონალი მაქსიმალურად შენარჩუნება. ქართულ ოცნებაში აცხადებენ, რომ ეს არის მაგალითი იმისა, რომ სახელისუფლებო გუნდი განსხვავებულ აზრს უსმენს, ოპოზიციაში კი ეჭვი აქვთ, რომ ქართულმა ოცნებამ უნივერსიტეტების გაერთიანების გადაწყვეტილება დროებით შეცვალა.