შსს-ს ინფორმაციით, მიმდინარე წლის 14 მარტს, თბილისში, ჭავჭავაძის გამზირზე, ლევან ჯანგველაძის განზრახ მკვლელობის საქმეზე კიდევ 3 პირი დააკავეს, ხოლო საზღვარგარეთ მყოფ 2 პირს ბრალი დაუსწრებლად წარედგინებათ. გამოძიების თანახმად, ძმები გიორგი და დავით მიქაძეები ლევან ჯანგველაძესთან ბიზნესსაქმიანობასთან დაკავშირებულ საკითხებზე იყვნენ დაპირისპირებულები და მისი შეკვეთით მკვლელობა დააორგანიზეს. პოლიციის დეპარტამენტის დირექტორმა ვაჟა სირაძემ სპეციალურ ბრიფინგზე განაცხადა, რომ გამოძიება სისხლის სამართლის კოდექსის რამდენიმე მუხლით გრძელდება.