დონალდ ტრამპის ბირთვული წყალქვეშა ნავების გადაადგილების გადაწყვეტილება და პასუხი რუსეთის ფედერაციას - ტრამპის განცხადებით, აშშ-ის ატომური წყალქვეშა ნავები რუსეთის მახლობლად ამერიკელი ხალხის უსაფრთხოების უზრუნველყოფისთვის განლაგდა. აშშ-ის ლიდერმა აღნიშნული გადაწყვეტილება რუსეთის ყოფილი პრეზიდენტის, დიმიტრი მედვედევის პროვოკაციული განცხადებების შემდეგ მიიღო. მედვედევი აღნიშნავდა, რომ ტრამპი რუსეთთან ულტიმატუმების თამაშს თამაშობს და ყოველი ახალი ულტიმატუმი აშშ-სა და რუსეთს შორის ომის წარმოებისკენ გადადგმული ნაბიჯია. ამერიკელი სენატორები ოკუპანტ ქვეყანას სიფრთხილისკენ მოუწოდებენ და აცხადებენ, რომ დონალდ ტრამპთან ხუმრობა არ შეიძლება. აშშ-ს ატომური შესაძლებლობებით აღჭურვილი წყალქვეშა ნავები ჰყავს, რომლებიც მტრის წინააღმდეგ ბრძოლისთვისაა განკუთვნილი, ასევე აშშ-ის მფლობელობაშია ბირთვული იარაღით აღჭურვილი წყალქვეშა ნავები, რომლებიც მთელ მსოფლიოში ნებისმიერი წერტილიდან ბირთვული რაკეტების გაშვების საშუალებას იძლევა. დონალდ ტრამპი ადასტურებს, რომ ატომური წყალქვეშა ნავები რუსეთის მახლობლად განალაგა.