ღაზის სექტორში, ბოლო 24 საათში, შიმშილისა და არასრულფასოვანი კვების მიზეზით, სულ მცირე, 9 ადამიანი გარდაიცვალა - გავრცელებული ცნობით, შიმშილით გარდაცვლილთა საერთო რაოდენობა 120-ს აჭარბებს. პარალელურად, გაერო-ს ბავშვთა ფონდში აცხადებენ, რომ ღაზაში არასრულწლოვნებისთვის სპეციალიზებული თერაპიული საკვები აგვისტოს თვეში ამოიწურება. გაერო-ს გენერალურმა მდივანმა საერთაშორისო საზოგადოება ღაზაში პალესტინელების ტანჯვის უგულებელყოფის მიზეზით გააკრიტიკა და განმარტა, რომ მათი ნაბიჯები მორალურ კრიზისის შედეგია.