ირანთან ბირთვული მოლაპარაკებების განახლების შესახებ ვსაუბრობთ, - ამის შესახებ ახლო აღმოსავლეთში აშშ-ის პრეზიდენტის, დონალდ ტრამპის სპეციალურმა წარმომადგენელმა, სტივ უიტკოფმა Fox News-თან ინტერვიუში განაცხადა.
„საუბრები იმედისმომცემია. იმედიანად ვართ განწყობილი. დროა, მოლაპარაკებების მაგიდასთან ირანელებთან ერთად დავსხდეთ და ყოვლისმომცველ სამშვიდობო შეთანხმებას მივაღწიოთ“, - განაცხადა სტივ უიტკოფმა.
მისი თქმით, ირანთან ბირთული მოლაპარაკებების განახლების შესახებ საუბარი, როგორც პირდაპირ, ისე შუამავლების მეშვეობით მიმდინარეობს.
„დარწმუნებული ვარ, რომ შეთანხმებას მივაღწევთ“, - აღნიშნა აშშ-ის პრეზიდენტის სპეციალურმა წარმომადგენელმა.