უწყვეტი პროტესტის 173-ე დღეს რუსთაველის გამზირი კვლავ გადაიკეტა. აქციის მონაწილეთა მოთხოვნებს - გათავისუფლდნენ საპროტესტო აქციებზე დაკავებული პირები და ჩაინიშნოს ახალი არჩევნები, ახალი მოთხოვნა - ხელისუფლების დაუყოვნებლივ გადადგომა ემატება. რუსთაველზე პროტესტს საზოგადოებრივ მაუწყებელთან შეკრებილი მოქალაქეების მარშიც შეუერთდა. მომიტინგეები უწყვეტი პროტესტის მნიშვნელობაზე საუბრობენ და ამბობენ, რომ მათი მთავარი მიზანია საქართველო პროდასავლურ საგარეო კურსს დაუბრუნდეს.