საქართველოს პროკურატურამ თბილისში, „რატის ბარში“ მომხდარი მკვლელობის ფაქტზე, ერთ პირს ბრალდება განზრახ მკვლელობის მუხლით, ხოლო მეორე პირს - დანაშაულის შეუტყობინებლობის მუხლით წარუდგინა. უწყების ცნობით, დაზარალებულს ბრალებულმა დაზიანებები სხეულის სხვადახხვა არეში ცივი იარაღით მიაყენა.
მეორე ბრალდებულმა, რომელიც დანაშაულის ჩადენისას იმყოფებოდა შემთხვევის ადგილზე და იცოდა, რომ ჩადენილი იყო განსაკუთრებით მძიმე დანაშაული - განზრახ მკვლელობა - აღნიშნულის შესახებ სამართალდამცავ ორგანოებს არ შეატყობინა.
სამართალდამცველებმა ბრალდებულები იმავე დღეს დააკავეს. ერთ პირს ჩადენილი მკვლელობისთვის ემუქრება 16-დან 20 წლამდე, ან უვადო პატიმრობა, ხოლო მეორე ბრალდებულს ბრალდება დანაშაულის შეუტყობინებლობის ფაქტზე წარედგინა, რაც სასჯელის სახედ და ზომად 3 დან 7 წლამდე თავისუფლების აღკვეთას ითვალისწინებს.