საქართველოს გარემოს დაცვისა და სოფლის მეურნეობის მინისტრი დავით სონღულაშვილი, უნგრეთის დედაქალაქ ბუდაპეშტში ოფიციალური ვიზიტის ფარგლებში, უნგრეთის სოფლის მეურნეობისა და ენერგეტიკის მინისტრებს შეხვდა. დავით სონღულაშვილმა უნგრელ კოლეგებს ინფორმაცია მიაწოდა ქვეყანაში მიმდინარე და დაგეგმილი სახელმწიფო პროგრამების, ასევე, საინვესტიციო გარემოს შესახებ. მინისტრმა ყურადღება გაამახვილა ევროკავშირთან ასოცირების შეთანხმების ფარგლებში საქართველოს მხრიდან გადადმულ ნაბიჯებზე, მათ შორის სოფლის მეურნეობის, გარემოს დაცვისა და კლიმატის ცვლილების მიმართულებით განხორციელებულ რეფორმებზე.