შესაძლოა, სამშვიდობო შეთანხმების მისაღწევად უკრაინას ტერიტორიის ნაწილის დროებით დათმობა მოუწიოს, - ამის შესახებ უკრაინის დედაქალაქის კიევის მერმა, ვიტალი კლიჩკომ BBC-ის განუცხადა.
„ერთ-ერთ სცენარს ტერიტორიის დათმობა წარმოადგენს. ეს უსამართლობაა, მაგრამ მშვიდობის მიღწევისთვის, დროებითი მშვიდობისთვის, შესაძლოა, დროებითი გამოსავალი იყოს“, - განაცხადა ვიტალი კლიჩკომ.
კლიჩკოს თქმით, მოლაპარაკებების პროცესში არ მონაწილეობს.
„ეს ჩემი ფუნქცია არ არის. ეს პრეზიდენტ ზელენსკის ფუნქციას წარმოადგენს“, - აღნიშნა კლიჩკომ.