პარლამენტში, ბიუროს დღევანდელ სხდომაზე დარეგისტრირდა „ქართული ოცნების“ ინიციატივა „დროებითი საგამოძიებო კომისიის“ შექმნაზე, რომელიც „ნაციონალური მოძრაობის“ მმართველობის პერიოდის პოლიტიკურ და სამართლებრივ შეფასებას ეხება. „ქართულ ოცნებაში“ აცხადებენ, რომ 2003-დან 2012 წლამდე არსებული ხელისუფლების შეფასებას ქვეყნის წინაშე არსებული საფრთხეების პრევენციისა და საქართველოში ჯანსაღი პოლიტიკური სისტემის ჩამოყალიბებისათვის გადამწყვეტი მნიშვნელობა აქვს.