სპეციალური პენიტენციური სამსახურის ცნობით, „ბათუმელების“ დამფუძნებლის, მზია ამაღლობელის ჯანმრთელობის მდგომარეობა დამაკმაყოფილებელი და სტაბილურია. პენიტენციური სამსახურის სამედიცინო დეპარტამენტის უფროსი მალხაზ ურთქმელიძე მზია ამაღლობელს მოწოდებს, შიმშილობა შეწყვიტოს. ამაღლობელის უფლებადამცველები კი აცხადებენ, რომ მისი ჯანმრთელობის მდგომარეობა საფრთხეშია. მზია ამაღლობელი უკვე 20 დღეა შიმშილობს. ამ დროის განმავლობაში პერმანენტულად იმართება მოქალაქეებისა და მედიის წარმომადგენლების აქციები მისი გათავისუფლების მოთხოვნით.