სუმში, დრონით თავდასხმის შედეგად, 4 ადამიანი დაიღუპა, - ამის შესახებ ინფორმაციას უკრაინული მედია სუმის საოლქო-სამხედრო ადმინისტრაციაზე დაყრდნობით ავრცელებს.
„სუმში მტრის Shahed-ის ტიპის დრონი მრავალსართულიან საცხოვრებელ კორპუსს შეეჯახა. დაიღუპა 4 ადამიანი, დაშავდა 9, მათ შორის ერთი ბავშვია“, - აცხადებენ საოლქო-სამხედრო ადმინისტრაციაში.
სუმის საოლქო-სამხედრო ადმინისტრაციის ცნობით, ხუთი დაშავებული საავადმყოფოში გადაიყვანეს, მათგან სამის მდგომარეობა მძიმეა.
შემთხვევის ადგილზე სამძებრო-სამაშველო სამუშაოები გრძელდება.