უკრაინაში რუსული სამხედრო აგრესია გრძელდება. რუსულმა ძალებმა ხარკოვს დრონით დაარტყეს, დაჭრილია 4 ადამიანი, მათ შორის 12 წლის გოგო. ინფორმაციას უკრაინული მედია ავრცელებს. უპილოტო საფრენი აპარატი მრავალსართულიან საცხოვრებელ სახლს მოხვდა. ხარკოვის საოლქო სამხედრო ადმინისტრაციის ხელმძღვანელის განცხადებით, საცხოვრებელი კორპუსში შედეგად ხანძარი გაჩნდა, ადგილზე შესაბამისი სამსახურები მუშაობენ. მისივე ინფორმაციით, მიმდინარეობს სახლის მდგომარეობისა და ადგილობრივების განსახლების საკითხის შესწავლა.