“ქართული ოცნება” 14 დეკემბერს პრეზიდენტის პოსტზე მის მიერ წარდგენილი კანდიდატის მიხეილ ყაველაშილის ასარჩევად ემზადება. გამომდინარე იქიდან, რომ ოპოზიცია პარლამენტს არაკონსტიტუციურს უწოდებს და საკანონმდებლო ორგანოში არ შედის, საარჩევნო კოლეგიაში ოპოზიციური მხარე წარმოდგენილი არ იქნება. ხელისუფლების ოპონენტების შეფასებით, ქვეყანას სალომე ზურაბიშვილის სახის ღირსეული პრეზიდენტი ჰყავს, რომელსაც არალეგიტიმური პარლამენტის მიერ არჩეული არალეგიტიმური პრეზიდენტი ვერ შეცვლის.