ღაზაში ცეცხლის შეწყვეტის შესახებ მოლაპარაკებები დღეს განახლდება, - ამის შესახებ ინფორმაციას Reuters-ი ანონიმურ წყაროზე დაყრდნობით ავრცელებს. ცეცხლის შეწყვეტის შესახებ მოლაპარაკებები დღეს დოჰაში განახლდება და მასში მონაწილეობას ეგვიპტის, აშშ-ისა და ისრაელის დაზვერვის სამსახურების ხელმძღვანელები მიიღებენ. გუშინ, აშშ-ის ცენტრალური სადაზვერვო სააგენტოს დირექტორი ეგვიპტის პრეზიდენტს შეხვდა და ღაზაში ცეცხლის შეწყვეტის მიღწევის მცდელობები განიხილა.