ინდოეთის დედაქალაქ ნიუ დელის ჩრდილოეთ ნაწილში მდებარე საღებავების ქარხანაში აფეთქება მოხდა. შემთხვევის შედეგად სულ მცირე, 11 ადამიანი დაიღუპა, 4 კი დაშავდა. აფეთქებას შენობის ნგრევაც მოჰყვა და მაშველები ნანგრევების ქვეშ მოყოლილ მუშებს ამ დრომდე ეძებენ. სახანძრო სამსახურის მეთაურის თქმით, ხანძარი მიმდებარე შენობებსა და მაღაზიებზე სწრაფად გავრცელდა. აფეთქების გამომწვევი მიზეზი ჯერჯერობით უცნობია.