კომუნიკაციების კომისიის მედიააკადემიაში მედიის წარმომადგენლებისა და ჟურნალისტიკის ფაკულტეტის სტუდენტებისთვის ჩატარდა სემინარი სახელწოდებით „იუმორი და იუმორისტული ფორმატები“. მას პროდიუსერი ირაკლი კაკაბაძე და ტელეწამყვანი ირაკლი ვახტანგიშვილი წარუძღვნენ. შეხვედრაზე განიხილეს თუ რა არის იუმორი და რამდენადაა მისი სწავლა შესაძლებელი, რის შემდეგაც მონაწილეებმა იუმორის ძირითადი ფორმულები შეისწავლეს და ასევე პრაქტიკულ მაგალითებზე დაყრდნობით, იუმორისტული ფორმატის შექმნის წესებსაც გაეცნენ.