თოვისა და ლიპყინულის გამო, გომი-საჩხერე-ჭიათურა-ზესტაფონის გზაზე მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია. საავტომობილო გზების დეპარტამენტში აღნიშნავენ, რომ ამ დროისთვის დანარჩენი სახის ავტოტრანსპორტის გადაადგილება თავისუფალია.
ამასთან, გარემოს ეროვნული სააგენტოს ცნობით, 5-დან 8 თებერვლამდე საქართველოში მოსალოდნელია ნალექი, უმეტესად თოვლის სახით, ქვეყნის დასავლეთ ნაწილში კი ძლიერ თოვას ვარაუდობენ.