ღაზის სექტორში გასული საათების განმავლობაში ისრაელის სამხედრო ოპერაციას 92 ადამიანი ემსხვერპლა. გავრცელებული ცნობით, თავდასხმის სამიზნე ქალაქ რაფაჰის საბავშვო ბაღის შენობა გახდა, სადაც დევნილები აფარებდნენ თავს. ისრაელის თავდაცვის ძალების ინფორმაციით, დაიბომბა „ჰამასის“ რამდენიმე სამიზნე, მათ შორის ინფრასტრუქტურა და რაკეტის გამშვები ადგილები. ისრაელის არმია ოპერაციას ატარებს მდინარე იორდანეს დასავლეთ ნაპირზეც, სადაც გასულ ღამეს 14 ადამიანი დააკავეს.