პარლამენტში სალომე ზურაბიშვილის პრეზიდენტის რანგში ბოლო მოხსენება ახლოვდება. 6 თებერვალს საგაზაფხულო სესიის პირველ სხდომაზე დეპუტატები ქვეყნის პრეზიდენტის სიტყვით გამოსვლას მოისმენენ. „ქართული ოცნება“ ზურაბიშვილის მიმართ უარყოფით დამოკიდებულებას არ მალავს - მმართველ პარტიაში ქვეყნის მოქმედ პრეზიდენტს „კონსტიტუციის დამრღვევად“ მოიხსენიებენ. ოპოზიციაში კი არ გამორიცხავენ, რომ პარლამენტში სალომე ზურაბიშვილის გამოსვლაზე „ქართული ოცნების“ დეპუტატთა დასწრების შემთხვევაში, შესაძლოა, მხარეთა შორის უთანხმოებაც ვიხილოთ.