ჩინეთში მიწისძვრის შედეგად დაღუპულთა რაოდენობა 120-მდე გაიზარდა. დაშავებულია 700-ზე მეტი პირი. შეერთებული შტატების გეოლოგიური სამსახურის ინფორმაციით, ჩრდილო-დასავლეთ ჩინეთში, განსუს პროვინციაში მომხდარი მიწისძვრა 5.9 მაგნიტუდის სიმძლავრის იყო, ჩინეთის ხელისუფლებაში კი განაცხადეს, რომ სიმძლავრემ 6.2 მაგნიტუდას მიაღწია. პროვინციის დედაქალაქი ლანჯოუ ეპიცენტრიდან დაახლოებით 60-ი მილის დაშორებით მდებარეობს. ტაივანის პრეზიდენტმა ცაი ინგ-ვენმა ჩინეთში მომხდარი მიწისძვრის შედეგად დაღუპულთა გამო მწუხარება გამოთქვა და ჩინეთს დახმარება შესთავაზა.