1. უკრაინის ჯარების ოპერატიულ-სტრატეგიული ჯგუფის „ტავრიის“ მეთაურის, ალექსანდრ ტარნავსკის განცხადებით, უკრაინის შეიარაღებული ძალები საარტილერიო ჭურვების უკმარისობას განიცდიან და უცხოური დახმარების ნაკლებობის გამო ზოგიერთი სამხედრო ოპერაციის მასშტაბი შეამცირეს. მისი თქმით, საარტილერიო ჭურვების ნაკლებობა ძალიან დიდი პრობლემაა და უცხოური სამხედრო დახმარების შემცირება ბრძოლის ველზე აისახება. „ტავრიას“ მეთაურმა ასევე აღნიშნა, რომ სამხრეთ-აღმოსავლეთ ფრონტის ზოგიერთ მონაკვეთზე უკრაინელი სამხედროები თავდაცვაზე გადავიდნენ, თუმცა ზოგ მონაკვეთზე შეტევას ცდილობენ. მისი თქმით, რუსეთის ძალები ასევე განიცდიან პრობლემებს საბრძოლო აღჭურვილობასთან დაკავშირებით. ტარავსკიმ ავდეევკაში არსებულ სიტუაციაზეც ისაუბრა და თქვა, რომ მდგომარეობა მუდმივად იცვლება.