შეფასებისა და გამოცდების ეროვნული ცენტრის დირექტორმა თანამდებობა დატოვა. როგორც სოფო გორგოძე ამბობს, მან აღნიშნული გადაწყვეტილება რამდენიმე თვის წინ მიიღო და ამას ცენტრის საქმიანობასთან კავშირი არ აქვს. გორგოძემ შეფასებისა და გამოცდების ეროვნული ცენტრის თანამშრომლებს მადლობა გადაუხადა და აღნიშნა, რომ მცირე შესვენების შემდეგ აქტიურ საქმიანობას განათლების სფეროში კვლავ გააგრძელებს.