რუმინეთის თავდაცვის სამინისტროს ინფორმაციით, ქვეყანაში სასწავლო ცენტრი გაიხსნა, სადაც უკრაინელი მფრინავები F-16-ებზე მომზადებას გაივლიან. რუმინეთისა და ნიდერლანდების თავდაცვის მინისტრებმა „ფეტეშტის“ 86-ე საავიაციო ბაზაზე F-16-ებზე ფრენის მომზადების ევროპული სასწავლო ცენტრი გახსნეს. ოფიციალური უწყებების ინფორმაციით, ცენტრი საერთაშორისო ხასიათის იქნება და მოკავშირეებს შორის თანამშრომლობას გააძლიერებს. ახალ სასწავლო ცენტრში მომზადების გავლას პილოტები რუმინეთიდან, უკრაინიდან და სხვა პარტნიორი სახელმწიფოებიდან შეძლებენ. გავრცელებული ინფორმაციით, რუმინულ სასწავლო ცენტრში უკრაინელი მფრინავების მომზადება დაახლოებით ექვსი თვე გაგრძელდება.