უკრაინაზე რუსეთის თავდასხმები გრძელდება. ბოლო 24 საათში, ფრონტის ხაზზე 37 საბრძოლო შეტაკება მოხდა. უკრაინის გენშტაბის ცნობით, ოკუპანტებმა 6 საჰაერო იერიში წამოიწყეს, ხოლო ზალპური სისტემებიდან 29-ჯერ გაისროლეს. რუსებმა თავდასხმების დროს „შაჰედის“ ტიპის დრონები გამოიყენეს, მათი დიდი ნაწილი უკრაინულმა თავდაცვამ გაანადგურა. გენშტაბის ცნობითვე დიდია მტრის დანაკარგებიც.