ევროპალიგასა და კონფერენსლიგაზე მეორე ტურის მეორე სესიის მატჩები გაიმართა. იურგენ კლოპის ლივერპულმა ენფილდზე ბელგიურ უნიონ სენ ჟილს 2:0 მოუგო. მასპინძლები პირველი ტაიმის 44-ე წუთზე რაიან გრავენბერხის გოლით დაწინაურდნენ, ხოლო მეორე ტაიმში დიოგო ჟოტამ 92-ე წუთზე ინგლისურ კლუბს 3 ქულა გაუნაღდა. ლივერპული ჯგუფში 6 ქულით პირველ ადგილზეა და მომდევნო ტურში ტულუზას ხვდება, რომელმაც ავსტრიული ლასკ-ი 1:0 დაამარცხა.
...
ჟოზე მოურინიოს რომამ შვეიცარიული სერვეტი 4:0 გაანადგურა. მასპინძლებმა პირველი ტაიმი რომელუ ლუკაკუს 21-ე წუთზე გატანილი გოლით მოიგეს. მეორე ტაიმში ერთი გოლი ლორენცო პელეგრინიმ გაიტანა, ხოლო ანდრეა ბელოტიმ დუბლი შეასრულა. რომა 6 ქულით ჯგუფში მეორე ადგილზეა, რადგან პრაღის სლავიამ შერიფს 6:0 მოუგო და ბურთების უკეთესი სხვაობის გამო პირველ ადგილს იკავებს.
…
ჩაბი ალონსოს ლევერკუზენმა ევროპალიგაზე ნორვეგიულ მიოლდეს სტუმრად 2:1 მოუგო. კონფერენსლიგაზე წარმატებულ ასპარეზობას აგრძელებს ბოსნიურ ზრინსკი, რომელმაც პირველ ტურში ალკმაარის დამარცხების შემდეგ (4:3), ასტონ ვილასთან სტუმრად 0:0 ითამაშა. ევროპალიგასა და კონფერენსლიგაზე მესამე ტურის მატჩები 26 ოქტომბერს გაიმართება.