ეს ფორმალობა იყო, მაგრამ მაინც - ინტერ მაიამიმ ლიონელ მესის ტრანსფერი ოფიციალურად დაადასტურა.ამერიკული კლუბის სოციალურ ქსელში ვიდეორგოლი გამოქვეყნდა, რითაც გულშემატკივრებს მესის ტრანსფერის შესახებ აცნობეს. ცხადია, ლეო მაიამიში 10-ნომრიანი მაისურით ითამაშებს. მისი ხელფასი სეზონში 60 მილიონი დოლარი იქნება.ვარაუდობენ, რომ ლეოს დებიუტი ინტერ მაიამიში 22 ივლისს, მექსიკური კრუს ასულის წინააღმდეგ შეხვედრაში შედგება, ხოლო MLS-ში ერთი თვის შემდეგ, აგვისტოში.შეგახსენებთ, რომ მესიმ ბოლო ორი სეზონი პარი სენ-ჟერმენში გაატარა, სადაც 75 შეხვედრაში 32 გოლი გაიტანა, თუმცა ფრანგულ კლუბთან კონტრაქტი ამოეწურა და კარიერის ამერიკაში გაგრძელება გადაწყვიტა. არგენტინელი სუპერვარსკვლავი ბარსელონასთან ასოცირდება, სადაც 778 თამაშში 672 გოლით უდიდესი ისტორია დაწერა.დღეიდან კი, ლეოს კარიერაში ახალი თავგადასავალი ოფიციალურად დაიწყო.