ბანგლადეშში ციკლონ „მოკოს“ მოახლოების გამო ნახევარი მილიონი ადამიანის ევაკუაცია დაიწყო.
ინდოეთის მეტეოროლოგიური სამსახურის ცნობით, „მოკო“ ბანგლადეშის ქალაქ კოქს-ბაზარიდან 1000 კილომეტრის მოშორებითაა. მეტეოროლოგების პროგნოზით, „მოკო“ ბანგლადეშის სანაპიროს 14 მაისს მიუახლოვდება, მისმა სიჩქარემ კი შესაძლოა, 170 კმ/სთ შეადგინოს.
მედიის ცნობით, სტიქიური უბედურება განსაკუთრებით ძლიერ ქვეყნის იმ ნაწილში იქნება, სადაც მილიონზე მეტი ლტოლვილი როჰინჯა მუსლიმი ცხოვრობს.