რუსი ოკუპანტების ძირითადი ძალისხმევა მიმართულია ლიმანის, ბახმუტის, ავდიივკასა და მარინკას მიმართულებებზე. აღნიშნულ ინფორმაციას უკრაინის გენშტაბი ავრცელებს. უწყების ცნობით, უკრაინულმა ძალებმა გასული დღის განმავლობაში 48 შეტევა მოიგერიეს. გენშტაბში აცხადებენ, რომ ბახმუტი და მარინკა საომარი მოქმედებების ეპიცენტრში რჩება. უწყების ცნობით, უკრაინელმა ჯარისკაცებმა, გასული დღის განმავლობაში, მოწინააღმდეგის რამდენიმე მნიშვნელოვანი ობიექტი გაანადგურეს.