ლანა დელ რეი Billboard Women in Music Awards-ზე ნიშნობის ბეჭდით გამოჩნდა, საიდუმლო წყვილის შესახებ უკვე ცნობილია, ლანა მუსიკის პროდიუსერ ევან ვინიკერზე დაინიშნა.
გრემის ნომინაციაზე ნომინირებული მომღერალი - რომელმაც ახლახან გამოუშვა თავისი მეცხრე სტუდიური ალბომი, "Did You Know That There's a Tunnel Under Ocean Blvd" - მხოლოდ რამდენჯერმე შენიშნეს საჯაროდ ვინიკერთან ერთად.
სამი ქვისგან დამზადებული ბეჭედი, რომელიც დელ რეის ეკუთვნის, უაღრესად სიმბოლურია, რადგან წარმოადგენს წყვილის წარსულს, აწმყოსა და მომავალს. ცენტრალური ქვა 3 კარატიანია, რომლის ღირებულებაც დაახლოებით 100,000 დოლარია. მუსიკოსმა ულამაზესი ნიშნობის ბეჭედი Zimmermann-ის კაბას შეუხამა.
შეგახსენებთ გასული წლის დეკემბერში ზემოთ აღნიშნული ალბომი როდესაც გამოაქვეყნა, სოციალურ ქსელებში ფანების მხრიდან დიდი მითქმა-მოთქმა მოჰყვა, ისინი ამტკიცებენ რომ ალბომი ლანამ ყოფილ პარტნიორს შონ ლარკინს მიუძღვნა, ამას ადასტურებენ იმით, რომ ალბომი სწორედ შონის დაბადების დღეზე გამოუშვა და პირველი ბანერი მხოლოდ ოკლაჰომას ქალაქ ტუსლაში განათავსა სადაც ლარკინი ცხოვრობს.