უკრაინულმა ძალებმა, ბოლო 24 საათის განმავლობაში, მოწინააღმდეგის 100-ზე მეტი შეტევა მოიგერიეს, - ინფორმაციას უკრაინის შეიარაღებული ძალების გენერალური შტაბი ავრცელებს. უწყების ცნობით, უკრაინულმა ავიაციამ, გასული დღე-ღამის განმავლობაში, რუსების კონცენტრაციის ადგილებზე 11 დარტყმა განახორციელა, ასევე გაანადგურა მოწინააღმდეგის დრონი, საჰაერო თავდაცვის სისტემა და საბრძოლო მასალის საცავი.