ქართველი არტისტი ლუკა ჩიქოვანი, რომელიც იტალიაში მოღვაწეობს, მოკლემეტრაჟიან ფილმში ბრიტანელი მუსიკოსის, დევიდ ბოუის როლს შეასრულებს.
ამის შესახებ ინფორმაციას ლუკა ჩიქოვანი სოციალურ ქსელში ავრცელებს:
„მაგარი სიახლე! ახალ მოკლემეტრაჟიან ფილმში დევიდ ბოუი – ზიგი სტარდასტს ვითამაშებ. ფილმი,რომლის რეჟისორიც ჯიადა ჩოტოა,მოგვითხრობს იმ შინაგანი ქორწინების შესახებ, რომელიც ბოუის ქალურ და მამაკაცურ მხარეებს შორის მოხდა.
ჩემთვის უდიდესი პატივია შევასრულო ამ ჯადოსნური როკ-ვარსკვლავის როლი, ძალიან მიჯაჭვული ვარ დევიდ ბოუიზე, რადგან, ის ყოველთვის იცვლებოდა. მეც არაერთხელ შევიცვალე და წლების განმავლობაში მეგონა, რომ ეს ცუდია, მერე მივხვდი, რომ საკუთარი თავის შესაცნობად მუდამ უნდა ვტრანსფორმირდეთ“, – წერს ლუკა ჩიქოვანი.