უკრაინის თავდაცვის ძალებმა, გასულ 24 საათში კუპიანსკის, ლიმანის, ბახმუტის, ავდივისა და შახტარის მიმართულებებზე მტრის 85-ზე მეტი შეტევა მოიგერიეს. - განცხადებას უკრაინის თავდაცვის შეიარაღებული ძალების გენერალური შტაბი აკეთებს. უკრაინელმა ჯარისკაცებმა შაჰედის უპილოტო საფრენი აპარატებიც ჩამოაგდეს. გენშტაბის განცხადებითვე, ბოლო 24 საათში უკრაინის თავდაცვის ძალებმა 650 რუსი ოკუპანტის განადგურება და აგრესორი ქვეყნის ძალების კონცენტრაციის 9 ობიექტზე შეტევების განხორციელება შეძლეს.