უკრაინის გენშტაბის მონაცემებით, გასულ 24 საათში, რუსეთის საოკუპაციო ძალებმა 6 სარაკეტო დარტყმა განახორციელეს. უწყების ცნობით, ოკუპანტი რუსეთი აქტიურ დაზვერვას აწარმოებს და ცალკეულ მიმართულებებზე ახალი შეტევისთვის ემზადება. გენშტაბის ინფორმაციით, გასულ 24 საათში, რუსეთის შეტევა მოგერიებულია ლუგანსკის ოლქის შვიდ და დონეცკის ოლქის შვიდ დასახლებულ პუნქტთან, მათ შორის ქალაქ ბახმუტის რაიონში.