გერმანია უკრაინას Leopard 2-ის ტანკებს გაუგზავნის. ოფიციალური ბერლინი პარტნიორი ქვეყნებიდან ტანკების რეექსპორტსაც დათანხმდება. ამის შესახებ გერმანიის მთავრობის პრეს-სპიკერმა განაცხადა.
მედიის ცნობით, გერმანია კიევს 14 საბრძოლო ტანკს გადასცემს, ისევე როგორც საბრძოლო მასალას. გერმანული მხარე უკრაინელ სამხედროებს გერმანიაში გაწვრთნის.
აღსანიშნავია, რომ Leopard 2-ის ტანკების კიევისთვის მიწოდებას ესპანეთიც შეუერთდება, რომელიც საკითხზე სწორედ გერმანიის დადებით გადაწყვეტილებას ელოდებოდა.
გარდა ამისა, ფინეთმაც განაცხადა, რომ მცირე რაოდენობის Leopard 2-ის ტანკებს უკრაინას გადასცემს, თუ ევროპული ქვეყნების უფრო ფართო ჯგუფიც ამის გაკეთებას გადაწყვეტს.