მიიღებს თუ არა უკრაინა ტანკებს გერმანიისა და ამერიკისაგან. გერმანული მედიის მიერ გავრცელებულ ინფორმაციაში, ნათქვამია, რომ ქვეყანა უკრაინას ლეოპარდის ტიპის ტანკებს გადასცემს. ინფორმაცია ჯერჯერობით არ დადასტურებულა გერმანიის ოფიციალური უწყების მხრიდან. საკითხზე მსჯელობა ბოლო კვირის განმავლობაში აქტიურად მიმდინარეობს.
ტანკების უკრაინისთვის გადაცემასთან დაკავშირებით, ამერიკულ მედიაშიც ვრცელდება ინფორმაცია, რომლის თანახმადაც აშშ უკრაინისთვის ტანკების გადაცემას გეგმავს, მედიის ცნობითვე ამასთან დაკავშირებით ოფიციალური განცხადება ამერიკის შეერთებული შტატების შესაბამისი უწყების მხრიდან დღეს გაკეთდება.