ნიკოლოზ ბასილაშვილისთვის წლის პირველი დიდი სლემი პირველივე წრეში დასრულდა.
30 წლის ქართველმა ჩოგბურთელმა, რომელიც მსოფლიო რეიტინგში 90-ე ადგილზეა, ავსტრალიის ღია პირველობაზე ასპარეზობა ამერიკელ ტეილორ ფრიტცთან (მე-9 ჩოგანი) დაიწყო და დაასრულა. ბასილაშვილი მასთან 4 სეტში, 4:6, 2:6, 6:4, 5:7 დამარცხდა.
ერთმანეთში აქამდე ჩატარებულ მატჩებში ფრიტცსა და ბასილაშვილს შორის თანაბარი ბალანსი იყო - ორი მატჩი ამერიკელს ჰქონდა მოგებული, ორიც ქართველს.ფრიტცს მოლოდინისამებრ დიდი უპირატესობა ჰქონდა ეისებში: მან 32 ეისი შეასრულა, ბასილაშვილმა კი მხოლოდ 9. ამასთან, ნიკამ 11 ორმაგი შეცდომა დაუშვა