საქართველოს კათოლიკოს-პატრიარქს ილია მეორეს 90 წლის იუბილესა და აღსაყდრების 45 წლისთავს მსოფლიოს უმაღლესი სასულიერო პირები ულოცავენ. მსოფლიო და იერუსალიმის პატრიარქები, ასევე რომის პაპი საქართველოს კათოლიკოს პატრიარქის უდიდეს დამსახურებაზე საუბრობენ და მას ჯანმრთელობას უსურვებენ. საკუთარ მისალოც წერილში რომის პაპი აღნიშნავს, რომ საქართველოს კათოლიკოს-პატრიარქის მრავალფეროვან მუსიკალურ კომპოზიციებს ლოცვისთვის მოსამზადებლად ხშირად უსმენს და განსაკუთრებით აფასებს.