ნაციონალურ საკალათბურთო ასოციაციაში "ჩიკაგო ბულსმა" "მილუოკი ბაქსს" უმასპინძლა და ოვერტაიმში 119:113 დაამარცხა. სანდრო მამუკელაშვილს შეხვედრაში მონაწილეობა არ მიუღია.
მატჩის დასრულებამდე 1:39 წუთით ადრე "მილუოკი" 8 ქულით იყო წინ, თუმცა დეროუზანის ბრწყინვალე თამაშის წყალობით შეხვედრა 106:106 დასრულდა და გამარჯვებულის გამოსავლენად დამატებითი დროის ჩატარება გახდა საჭირო.
ოვერტაიმში "ბულსმა" მეტოქეს აჯობა და 6 ქულის სხვაობით დაამარცხა.
დეროუზანმა 42 ქულა, 10 მოხსნა, 5 შედეგიანი პასი და 2 ჩაჭრა მიითვალა.
"მილუოკის" მხრიდან თავი იანის ანტეტოკუნმპომ გამოიჩინა, მის ანგარიშზე 45 ქულა, 22 მოხსნა და 7 შედეგიანი გადაცემაა.
ამრიგად, "ჩიკაგო" 15 მოგებითა და 19 მარცხით აღმოსავლეთ კონფერენციაში მე-11 ადგილს იკავებს, "ხარები" მომდევნო შეხვედრას 31 დეკემბერს "დეტროიტ პისტონსის" წინააღმდეგ გამართავს.