უკრაინის დედაქალაქ კიევში მეტროს მუშაობა ყველა ხაზზე დროებით შეჩერებულია, - ამის შესახებ კიევის მერმა, ვიტალი კლიჩკომ განაცხადა. მისივე ინფორმაციით, მეტროს მიწისქვეშა სადგურები სარაკეტო თავდასხმის გამო თავშესაფრის ფუნქციას ასრულებს.
კლიჩკომ კიევის მცხოვრებლებს თავშესაფრებში დარჩენისკენ მოუწოდა.
ამასთან სარაკეტო თავდასხმა განხორციელდა კრივოი-როგში, რომლის შედეგადაც საცხოვრბეული კორპუსის ნაწილი ჩამოინგრა. თავდასხმის შედეგად მინიმუმ ორი ადამიანი დაიღუპა, ხუთი კი - დაშავდა. გავრცელებული ცნობებით, დაშავებულებს შორის ორი ბავშვია. შეგახსენებთ, რუსულმა ძალებმა დღეს უკრაინის ტერიტორიაზე მასიური სარაკეტო თავდასხმა განახორციელეს.