სერიალის „მანდალორელი“ მესამე სეზონის პრემიერა სტრიმინგ-სერვისზე Disney+ 2023 წლის 1-ელ მარტს შედგება. ინფორმაცია ამის შესახებ სერიალის Twitter-ანგარიშზე გავრცელდა.
მანამდე Lucasfilm-მა სეზონის თიზერ-თრეილერი გამოაქვეყნა. პროექტის სცენარისტი და პროდიუსერი ჯონ ფავროა, მთავარ როლს კი პედრო პასკალი ასრულებს. სერიალის სიუჟეტი „ვარსკვლავური ომების“ სამყაროში ვითარდება. „მანდალორელმა“ როგორც კრიტიკოსების, ასევე „ვარსკვლავური ომების“ თაყვანისმცემლების დიდი მოწონება დაიმსახურა. სერიალის ერთ-ერთი გმირი - გროგუ, რომელსაც მაყურებლებმა პატარა იოდა შეარქვეს იმდენად პოპულარული გახდა, რომ მის საპატივცემოდ კოქტეილიც კი გამოიგონეს.