მკვლელობები ანბანის მიხედვით , ცნობილი ბრიტანელი მწერლის აგათა ქრისტის დეტექტიური ჟანრის რომანია. წიგნის ორიგინალი 1936 წელს დიდ ბრიტანეთში , გამომცემლობა Collins Crime Club-ის მიერ ინგლისურ ენაზე გამოიცა.
წიგნის მთავარი გმირი სახელგანთქმული დეტექტივი , ერკილ პუაროა რომელსაც უჩვეულო მკვლელთან უწევს შერკინება. მკვლელი ,დეტექტივს წერილების სახით იწვევს შეჯიბრებაში და მის ხელმოწერაში მხოლოდ სამი ასო ფიგურირებს: A, B, C. მკვლელობები მას იმ ადგილებში აქვს დაგეგმილი, რომელთა სახელწოდებები ანბანის რიგს მიჰყვება. მიუხედავად იმისა, რომ ერთი შეხედვით მკვლელობების მოტივი არ ჩანს , გამოცდილი დეტექტივი დარწმუნებულია , რომ ერთ-ერთ მკვლელობას ნამდვილად გააჩნია მიზეზი და ის მზადაა გახსნას კვანძი , რომელიც მას ტრადიციულად მკვლელთან მიიყვანს. თუმცა გონირ მკვლელთან მიახლოება არც თუ ისე მარტივია , გამოცდილ მაძებარს მოუწევს ამოხსნას არაერთი თავსატეხი რათა გაარკვიოს მკვლელის ვინაობა და წერტილი დაუსვას მკვლელობების სერიას , რომელიც არავინ იცის ანბანის რომელ ასოზე შეწყდება.ერკილ პუარო დეტექტიური ჟანრის რომანის ერთ-ერთი ყველაზე ცნობილი პერსონაჟია , რომელიც აგათა კრისტის 1920 წლიდან 1975 წლამდე გამოცემულ 33 რომანში , 59 მოთხრობასა და ერთ პიესაში გვხვდება.
მწერლის სრული სახელი და გვარი აგათა კლარისა მილერია , კრისტი რომლითაც მას საზოგადოება იცნობს მისი პირველი ქმრის , პოლკოვნილ არჩიბალდ კრისტის გვარია. აგათა 1890 წლის 15 სექტემბერს , ზვისპირა საკურორტო ქალაქ ტორკეიში , დევონში , ფრედერიკ და კლარისა მილერების ოჯახში დაიბადა. მწერალმა პირველი პიესა ჯერ კიდევ ბავშვობაში 7 წლის ასაკში დაწერა , რომელიც ეძღვნებოდა დების ბრძოლას მემკვიდრეობისთვის , რომელიც მისიევე ოჯახში დაიდგა.
მისი პირველი რომანი კი 1920 წელს სახელწოდებით , სტაილსის საიდუმლო ინციდენტი 2000 ტირაჟით გამოიცა , რისთვისაც დამწყებმა მწერალმა ჰონორარის სახით 25 ფუნტი მიიღო.
აგათა კრისტის ნაწარმოებები კაცობრიობის ისტორიაში ყველაზე მეტჯერაა ნათარგმნი და გამოქვეყნებული. მის კალამს ეკუთვნის 60 ზე მეტი დეტექტიური და 6 ფსიქოლოგიური ჟანრის რომანი , ასევე 19 მოთხრობების წიგნი.
აგათა კრისტის წიგნები გამოქვეყნდა 4 მილიარდზე მეტ ეგზემპლარად და ითარგმნა მსოფლიოს 100 ზე მეტ ენაზე.
წიგნის მრავალი ადაპტაცია არსებობს , ფილმების , სატელევიზო შოუების , რადიოს გადაცემის, ანიმაციისა თუ ვიდეო თამაშების სახით. 2018 წელს ცნობილმა ბრიტანულმა სამაუწყებლო კომპანია BBC -ს წიგნის მიხედვით გადაიღო სერიალი უცვლელი სახელწოდებით , რომელშიც დეტექტივ ერკილ პუაროს როლს ცნობილი ამერიკელი მსახიობი , ჯონ მალკოვიჩი ასრულებს.წიგნი ქართულ ენაზე ითარგმნა და გამოიცა 2021 წელს გამომცემლობა პალიტრა ელის მიერ და ამ დროიდან ხელმისაწვდომია ბიბლუსის მაღაზიათა ქსელსა და პალიტრა ელის ვებგვერდზე , პალიტრა ელ წერტილი ჯი.